Agnar Prestá
Ronnie Korsager Davidsen vann hjá teimum eldru, meðan Martin Heldarskrð vann hjá teimum yngru, tá seinna innleiðandi umfar í eFótbóltskappingini varð spælt í Telebúðini í miðbýnum í Havn týsdag. Hetta skrivar fsf.fo
Talan var um seinna innleiðandi umfar í nýggju eFótbóltskappingini, sum FSF og Føroya Tele skipa fyri.
Í yngra aldursbólkinum, sum er 15 ár og yngri, komu Gabriel N. Petersen, Atli Falkvard og Niklas Gaard í finaluna saman við Martini. Hjá teimum eldru, 16 ár og eldri vóru tað, umframt Ronnie K. Davidsen, Birgir Nielsen, Hávarður Christiansen og Virgar Trondesen, sum spældu seg í finaluna.
Martin Heldarskarð, vinnarin hjá teimum yngru (Mynd: FSF)
![[object Object]](https://cdn-ac.knassar.fo/media/2019/11/28/gallery-thumbnail/getimage.jfif)
Farna leygardag varð fyrra innleiðandi umfar spælt í Telebúðini í Saltangará. Í kappingini fyri teir eldru vóru tað Heðin Egholm Skov, Ingolf Tvørfoss, Áron Sørensen og Høgni Øssurson, sum spældu seg víðari til finaluumfarið.
Í kappingini fyri teir yngru vóru tað Jonn Mortensen, Sámuel Johansen, Beinir Grønagarð og Brian Grønagarð, ið tryggjaðu sær pláss í finaluni.
Finaluumfarið verður leygardagin 30. november í høvuðssætinum hjá Føroya Tele í Hoyvík. Í báðum aldursbólkum verður spælt um føroyameistaraheitið, umframt at teir eldru eisini spæla um eitt pláss á føroyska eLandsliðnum, sum komandi ár skal taka lut í UEFA EURO 2020-undankappingini. Fyrstu dystirnir í finaluumfarinum byrja klokkan 17:00.
Vinarliga broyt tínar kennifíla - og privatlívsstillingar fyri at síggja hetta innihald