Agnar Prestá
Kappingarárið byrjaði við tveimum tapum, men síðani hevur eingin vunnið á B71 í deild. Og nú restar ikki nógv í, áðrenn Sandoyggin aftur hevur lið í bestu mansdeildini. Tað hevur oyggin ikki havt síðani 2011.
- B71 er snøgt sæð ikki til at vinna á í løtuni og fótbólturin er á høgum støði. Hettar er eisini orsøkin til at vit eru nú bert tann eina sigurin frá at staðfesta eina uppflyting, ið kann verða veruleiki komandi leygardag inni í Dal ímóti teimum næstbestu hjá B36.
Hetta staðfesti heimasíðan hjá B71 eftir3-0 sigurin á Víkingi í oddadystinum síðsta vikuskifti. Nú 20 umfør eru spæld í næstbestu deildini hevur B71 16 sigrar og tjúgu stig niður til tað triðfremst av teimum liðunum, sum kann flyta upp.
Sí stigatalvuna og dystarskrá her
Sí eisini: B71 beina kós móti uppflyting
ÍF vann eisini síðsta leygardag, og harvið varð uppflytingin ikki tryggjað tá. Men tað eru stór sannlíkindi fyri, at hon verður næst komandi leygardag, 29. august.
Tá vitjar næstbesta liðið hjá B36 á Sandi. B36 tapi 9-3 fyri ÍF í síðsta umfari, og B71-liðið er glóðheitt.
Harvið er lagt upp til uppflytingarveitslu Inni í Dal, og miðil okkara verður eisini til staðar við mikrofon og myndatólkinum.
Uppflytingin hjá B71 kann eisini verða staðfest í hesum sjeyndseinasta umfarinum, um ÍF ikki vinnur á útivølli móti EB/Streymi. Hesir báðir dystirnir byrja klokkan 12.00.
Vinarliga broyt tínar kennifíla - og privatlívsstillingar fyri at síggja hetta innihald