Eftir sveisiskan stórsigur: Føroyar skulu hava minst eitt stig móti Slovenia

Olso, Noreg (Portalurin): Tað er júst vorið væl truplari hjá føroyingum at sleppa til Malmö at spæla miðumfar.

Montenegro megnaði als ikki at fylgja við Sveis í 2. hálvleiki. Tað sást týðliga, hvat lið hevði nakað at spæla fyri. Og Montenegro sá ikki út sum eitt lið, ið hoyrdi heima her - ella tímdi at vera her.

Heili 18 mál á muni (Mynd: EPA)

Sveis skuldi vinna við minst 16 málum, fyri at yvirhála Føroyar áðrenn dystin hjá Føroyum. Munurin lá um 15 mál í nógvum av minuttunum nakað út á 2. hálvleik, og tað endaðu við at vera 17 mál á muni.

Harvið liggur Sveis í løtuni til at koma víðari til miðumfarið. Føroyar skulu vinna ella spæla javnleik móti Slovenia fyri at yvirhála.

Seinasta umfar í bólkinum - týsdagin 20. januar:
Montenegro - Sveis 26-43 (16-22)
19.30: Føroyar - Slovenia

Støðan í bólki D - tvey lið koma víðari til Malmö:
1. Slovenia 4 stig - víðari
2. Sveis 3 stig (+14) *
-------------------------------
3. Føroyar 3 stig (+13)
4. Montenegro 0 stig - úti *

* Ein dyst fleiri 

Tvey lið koma víðari. 

Føroysku spælararnir fingu onga hjálp frá Montenegro - ein stór sinnislig avbjóðing hjá føroysku spælarunum undan stóru avbjóðingini móti Slovenia (Mynd: EPA)