Ein øðrvísi venjingardagur

Nú landskappingin í hondbólti liggur still, eru lið sum royna at venja og brynja seg til kappingin fer í gongd aftur, og steypavinnari og meistari skal finnast.

Besta liðið hjá Neistanum hevði í dag ein eitt sindur øðrvísi dag. Í góðveðrinum vóru á ferð við teinæringinum Royði, og róðu út til Nólsoyar.

Í Nólsoy stóð Maud Wang Hansen fyri við suppu og øðrum góðum áðrenn kósin varð sett móti Havnini aftur.

Komið varð aftur á Havnina tíðliga seinnapartin og tá stóðu aðrar avbjóðingar fyri leikarunum. Millum annað spurnarkappingar, at gera bestu lagkøku, yoga og annað.