Elias dagsins maður í Champions League-braki

Eftir avrikið móti Hamburg sunnudagin kom hann á vikuliðið í Bundesliguni. Í kvøld vísti Elias Ellefsen á Skipagøtu síni kynstur í Champions League.

Pólska stórfelagið hevur verið í finaluni seinastu tvey árini og hevur nógvar heimsstjørnur, men 21-ára gamli føroyingurin gjørdist javnsettur toppskjútti í dystinum, sum Kiel vann 35-31.

Elias skoraði sjey ferðir og legði upp til fleiri mál afturat. Nummar 71 var umráðandi partur av spælinum í 2. hálvleiki, tá Kiel skoraði tjúgu ferðir. Kielce var annars á odda við einum máli í steðginum, men heimaliðið, við hoyvíkingingum sum spælskipara, vendi tí.

Mynd: THW Kiel 

Enn eitt flott avrik hjá føroyinginum, ið tikist at hava funnið seg til rættis í týska stórfelagnum. THW Kiel hevur fult stigatal eftir fýra umfør í Champions League-bólkaspælinum.