Elias og Jóhan við fýra málum hvør í European League

Meginumfarið í EHF European League fór í gongd í gjár. Eftir at IK Sävehof og Valur vórðu sligin út í bólkaspælinum, eru tveir føroyskir spælarar eftir í kappingini.

Teir spæla fyri hvør sítt stórfelag í Norðurtýsklandi. Bæði Flensburg-Handewitt og THW Kiel høvdu fýra stig við sær orsakað av fullum stigatali í bólkaspæli - bæði høvdu týskarauppgerðir týskvøldið.

Flensburg-Handewitt var favorittur í Gummersbach og fór eisini avstað við einum rímiliga tryggum sigri. Tað var annars bert eitt mál á muni í málríka 1. hálvleikinum (18-19). Flensburg fór tó frá eftir stegðin og vann við fimm málum. Harvið er liðið oddalið í bólkinum við seks bólkinum - trý umfør resta í.

Jóhan á Plógv Hansen varð fyri jól spardur í European League. Norðmaðurin Aksel Horgen spæld á høgra vongi, meðan 30-ára gamli havnarmaðurin spældi í Bundesliguni. Í gjár spældi Jóhan tó fulla tíð í meginumfarinum.

Hetta kom ferfaldi heimsmeistarin á høgra vongi heilt væl frá. Jóhan á Plógv hevði fýra skot og fýra mál, umframt eitt frekt upplegg til hin vongin Emil Jakobsen (sæst frá 1.27 niðanfyri) Flestu málini hjá nummar 26 komu eftir mótálop, har hann var púra tryggur

Til ber at síggja eitt dømi tíðliga í hæddarpunktunum niðanfyri

Video: Youtube/Dyn Handball

Elias Ellefsen á Skipagøtu skoraði eisini fýra mál, tá THW Kiel spældi spennandi dyst í Kassel. Eitt mál var á muni í steðginum og einki, tá samanumkom.

22-ára gamli hoyvíkingurin var næstbesti málskjútti hjá útiliðnum, sum var á odda við tveimum málum stutt fyri leiklok.

Elias brendi eisini fýra skot móti oddaliðnum í Bundesliguni. Hann tók ymiskar møguleikar og spældi á høgra bakki størsta partin av fyrra hálvleiki - eitt pláss sum nummar 71 ikki so ofta spælir.

Føroyingurin skoraði eitt heilt vakurt mál, sum sæst frá 1.15 í videobrotinum niðanfyri. Hetta var í 2. hálvleiki, tá Elias á SKipagøtu var yviri á vinstra bakki. 

Við úrslitinum eru Kiel og Melsungen jøvn á 1. plássi í bólkinum. Tvey av fýra liðum koma víðari til fjórðingsfinalurnar. Umfar er aftur týskvøldið 18. februar. Tá tekur Kiel móti Porto, og Flensburg tekur móti Toulouse.

Sí eisini: (Video): Elias og teir við týðandi sigri á Magdeburg