Europa League: Mótstøðuliðini hjá HB fingu góð úrslit á útivølli

HJK Helskinki sló HB út úr Champions League, men varð í umfarinum eftir hetta sligið út av Reyðu Stjørnu. Harvið skulu finnar nú royna at spæla seg í Europa League-bólkaspælið, og fyrsta fetið varð tikið í gjárkvøldið, tá finnar spældu 1-1 í Letlandi í fyrra dystinum í 3. umfari. Tim Varynen skoraði týdningarmikla útivallarmálið tíðliga í dystinum; Riga FC javnaði seint í dystinum


(Finnar, her í Gundadali, spældu í gjár í Riga - Mynd: Olaf Olsen)

Linfield knógvaði HB í undanfarna umfari, og í gjár vann norðurírska liðið góðan 2-1 sigur á Sutjeska. Kirk Millar, ið varð innskiftur í báðum dystunum ímóti HB, skoraði bæði málini, og harvið sær tað sera gott út hjá Linfield í mun til at koma víðari til seinasta undanumfari.

Seinnu dystirnir, hjá liðunum ið bæði spældu javnleik í Gundadali í juli, verða komandi týsdag. Hetta er í 3. umfari.