Europan League: Flott føroysk avrik í fyrru dystunum

Í gjár, leygardagin 30. august, spældu tríggir føroyingar fyrru play-odd dystirnir (røkkstøkkdystir) í European League.

Allir fingu góð útgangsstøði - her er eitt yvirlit: 

European League play-off (røkkstøkkdystir) - Fyrru dystirnir
Í dag, leygardagin 30. august

Skanderborg AGF (Jóhan á Plógv Hansen) - Maritimo (Portugal) 38-25 (22-12)

Jóhan á Plógv Hansen 5 mál (5 skot)

Danska felagið lat ongan iva um, hvør var betri og hevur nú meira enn annað beinið í bólkaspælinum: 13 mál á muni tá samanumkom.

Jóhan á Plógv Hansen, sum hevur vunnið kappingina seinastu tvey árini við Flensburg-Handewitt, var ógvuliga tryggur. Royndi høgri vonguri skeyt fimm mál uppá fimm skot.

Jóhan á Plógv Hansen og Flensburg-liðfelagararnir fegnast um finalusigurn á Montpellier í fjør. Nú hava Jóhan og teir hjá SAH tikið fyrsta stigið móti onkrum spennandi í ársins útgáv av European Leage (Mynd: EPA) 

Minaur Baia Mare (Rumenia)* - Stjarnan (Jóhannes Bjørgvin) 

Jóhannes Bjørgvin 4 mál (5 skot) - * Baia Mare hevur fyrrverandi VÍF-venjaran Nuno Farelo sum oddamann

Unirtippaðu íslendingarnir fingu eitt ógvuliga gott útgangsstøði við úr Rumenia. Tað var tætt allan vegin móti CS Minaur Baia Mare, sum Nuno Farelo stjórnar, og tað endaði eisini við javnleiki.

Føroyski vinstri vongurin hjá Stjarnuni var næstbesti málskjútti. Í sínum fyrsta evropeiska dysti fyri Stjarnuna skeyt Jóhannes Bjørgvin fýra mál. 

Íslandska liðið fekk serliga verjuna at eydnast eftir steðgin, og leygardagin kann Stjarnan við heimasigri spæla seg í evropeiskt bólkaspæl á fyrsta sinni.

Chobry Glogow - Karlskrona (Tróndur Mikkelsen) 30-33 (12-16)

Tróndur Mikkelsen 4 mál

Tróndur Mikkelsen og hansara nýggju liðfelagar hansara standa í ógvuliga góða støðu undan dystinum í Svøríki næsta vikuskifti.

Karlskrona var omaná gjøgnum dystin og vann við trimum málum í Pólland. Ein góð uppliving hjá føroyska landsliðsbakkinum sum nú veruliga sleppur at royna seg í evropeisku hondbólti. Tróndur hevði stóran leiklut í álopi og í verju.

Í dag, sunnudagin 31. august

15.15: Malmö - IK Sävehof (Ísak Vedelsbøl)

16.00: Hannover-Burgdorf (Vilhelm Poulsen) - Alkaloid

Seinnapartin hava landsliðsspælararnir Ísak Vedelsbøl og Vilhelm Poulsen spennandi uppgávur í sínum fyrru dystum í umfarinum.

Ísak og Sävehof spæla svenskarauppgerð og skulu harvið ikki langan veg til útidystin; vanliga spælir liðið úr Partille rímiliga tættar dystir móti liðnum úr Skåne.

Vilhelm og teir spæla móti Alkaloid, har Kiril Lazarov er venjari. Helst størsti norðurmakedónski spælarin nakrantíð er eisini venjarin hjá landsliðnum, sum í fjør sendi Vilhelm Poulsen og hinar føroyingarnir út í HM play-off umfarinum. 

Vilhelm í heimadystinum móti Norðurmakedónia sum Føroyar vunnu við 7 málum...

Tað var tó ikki nóg mikið móti Kiril Lazarov og teimum (Mynd: Sverri Egholm)