FCK og Manchester City bresta saman

Í síðstu viku kom bólkaspælið at enda, og fyri løtu síðani var lutakastið til áttandapartsfinalurnar í Champions League.

Úr pottinum komu nakrar spennandi samansetingar, tó at eingin verulig risauppgerð er:

Áttandapartsfinalurnar:
FC Porto - Arsenal
Napoli - FC Barcelona
PSG - Real Sociedad
Inter Milan - Atletico Madrid
PSV Eindhoven - Dortmund
Lazio - Bayern München
FCK - Manchester City
RB Leipzig - Real Madrid

FCK avrikaðu heilt væl í bólkaspælinum. Nú fekk liðið hjá Jacob Neestrup eina ógvuliga trupla uppgávu. Tað koyrir ikki so væl hjá Manchester City uttan Kevin De Bruyne og Erling Håland í løtuni, men liðið hjá Pep Guardiola vann kappingina í fjør.

FCK og Manchester City spældu í bólkaspælinum í fjør. City vann greitt á Etihad, men í Parkini endaði við málleysum javnleiki - tá fekk útiliðið reytt kort fyri steðgin.

Erling Haaland og City vunnu Champions League á sumri 2023. Donsku meistararnir eru á skránni eftir jól (Mynd: EPA)

Fyrru 1/8-finalurnar eru á skránni 13./14. og 20./21. februar. Seinnu dystirnir verða spældir 5./6. og 12./13. mars.