Agnar Prestá
Tey fyrstu nógvu umførini í Champions League sat Hákun West av Teigum so at siga bert á bonkinum og hugdi at, tá Fücshe Berlin spældi. 22-ára gamli hoyvíkingurin er fyrsta val í Bundesliguni, men í Champions League hevur royndi Tobias Reichmann spælt allarflestu minuttirnar.
Hann hevur tó ein skaða í løtuni, og harvið hevði Hákun stóran leiklut í París í síðstu viku, tá Fücshe basti PSG.
Hákun West av Teigum spældi aftur nógv í gjárkvøldið, tá Sporting CP vitjaði. Talan gjørdist um ein ógvuliga tættan og spennandi dyst í týska høvuðsstaðnum. Hann endaði 33-32.
Hákun hevði trý skot og skoraði tvær ferðir - Fücshe Berlin var uttan Lasse Andersson.
Hæddarpunkt frá dystinum síggjast omanfyri - einki hjá Hákuni er við
Fücshe er í góðari gongd og hevur nú 12 stig fyri 10 dystir í Champions League-bólkaspælinum.
14 umfør skulu spælast. Fücshe er á 4. plássi og skal royna at vinna seg upp í topp-tvey. Í so fall kemur liðið hjá Hákuni West av Teigum beinleiðis víðari til fjórðingsfinalurnar í fremstu evropeisku kappingini.
Vinarliga broyt tínar kennifíla - og privatlívsstillingar fyri at síggja hetta innihald