Regin Winther Poulsen
Hettar vikuskiftið er heilt serligt fyri føroysk fótbóltsáhugaði. Fleiri Steypafinalur eru á Tórsvølli, og í kvøld bresta grannarnir úr HB og B36 eitt nú saman í finaluni um løgmanssteypið, meðan HB og eb/streymur/skála møtast í steypafinaluni hjá kvinnum.
Men enska fótbóltskappingin steðgar ikki upp, tí steypafinalur eru í Føroyum. Hettar vikuskiftið er Premier League aftur á skránni, og fleiri dystir, sum hava stóran áhuga hjá føroyingum verða á skránni. Bæði Manchester City, Arsenal og Liverpool spæla í dag, hóast allir dystirnir eru ímóti liðum, sum stórliðini eiga at vinna á.
Chelsea spæla ímóti Newcastle United í morgin. Tann mest spennandi dysturin úr føroyskum eygum má sigast at verða á Old Trafford mánakvøldið, tá Manchester United taka ímóti Tottenham. Tottenham er komið betri frá byrjan í kappingini, men í tílíkum dystum kann alt henda. Manchester United skal eisini hava uppreisn eftir eyðmýkjandi tapið ímóti Brighton síðsta umfar.
Skráin fyri Premier League vikuskiftið sæðst niðanfyri:
Í dag:
12:30 Wolverhampton Wanderers - Manchester City
15:00 AFC Bournemouth - Everton
15:00 Arsenal - West Ham United
15:00 Huddersfield Town - Cardiff City
15:00 Southampton - Leicester City
17:30 Liverpool - Brighton & Hove Albion
Sunnudag:
13:30 Watford - Crystal Palace
16:00 Fulham - Burnley
16:00 Newcastle United - Chelsea
Mánadag:
20:00 Manchester United - Tottenham Hotspur
Vinarliga broyt tínar kennifíla - og privatlívsstillingar fyri at síggja hetta innihald