Flogbóltskvinnurnar leggja fyri í Montenegro

Føroyska kvinnulandsliðið í flogbólti skal leika tveir dystir í Montenegro. Fyrsti dysturin er ímóti vertslandinum fríggjadagin kl. 17 føroyska tíð, og seinni dysturin verður ímóti Georgia. Hesin seinni dysturin verður leiktur leygardagin kl. 17, føroyska tíð.

Eftir hetta fyrsta umfarið í Silver Leauge fara føroysku kvinnurnar til strandarbýin Budva, har tær verða í venjingarlegu nakrar dagar. Ítróttarliga og fíggjarliga er hetta ein betri loysn enn at ferðast heimaftur til Føroyar, tí longu hósdagin 23. mai, skulu kvinnurnar verða í Luksembourg, har næsta umfarið í Silver League verður.

Í Luksembourg, leika kvinnurnar fyrsta dystin fríggjadagin 24. mai ímóti Luksembourg. Dagin eftir leika kvinnurnar ímóti Ungarn, og ferðast síðani heimaftur sunnudagin 25. mai.

Fríggjadagin 7. juni spæla kvinnurnar síðsta dystin í innleiðandi umfarinium, og tað verður á heimavølli í Havn ímóti Finnlandi.

Høvuðsvenjarin hjá føroyska kvinnulandsliðnum, Christian Imhoff, og hjálparvenjarin, Baca Djurovic, hava úttikið hendan bruttohópin til hesi trý umførini í Silver League:

Jóhanna Christiansdóttir (1), TB
Janna Falkvard (3), Ikast KFUM
Anja Sonnadóttir Danielsen (4), Fleyr
Kristina Knudsen (5), Fleyr
Henrikka Wang Jacobsen (6), Dráttur
Anna Arnholdsdóttir (8), Mjølnir
Sirið Hanusardóttir Samson (9), Mjølnir
Sesilia Johndóttir Prior (10), KÍF
Jakobina Joensen (11), Ikast KFUM
Hanna Andriasardóttir Olsen (12), Fleyr
Rebekka Osberg Højsted (13), Mjølnir
Ingibjørg Sigridardóttir Muller (14) Ikast KFUM
Elsa Samuelsen (15), KÍF
Nicola Toftegaard (16), Mjølnir