Flogbóltur: Føroyar smurdu Malta av

Í hesum døgum er føroyska U19-landsliðið í flogbólti – gentur – í evropeiskari smálandakapping í Íslandi, og fekk føroyska liðið eina avbera góða byrjan.

Tá Føroyar spældu teirra fyrsta dyst, sum var móti Malta í gjárkvøldið, vunnu føroysku genturnar 3-0. Settini endaðu 25-8, 25-7 og 25-7.

Malta kom annars best frá byrjan og kom á odda 3-0, men eftir hetta fingu tær ikki eitt bein til jørðina. Føroyska liðið var klárt betri á øllum plássum, og vónirnar til næsta dystin eru eisini góðar, tá liðið skal spæla ímóti Gibraltar klokkan 18,00 í dag, skrivar Flogbóltssambandið.

Dysturin kann stroymast á YouTube-rásini hjá Íslendska Flogbóltssambandinum her.

Dystarskráin fyri restina av smálandakappingini í Íslandi fyri U19-gentur er henda:

Leygardag 4. sep. kl. 15.00 Malta – Ísland
Leygardag 4. sep. kl. 18.00 Gibraltar – Føroyar
Sunnudag 5. sep. kl. 15.00 Malta – Gibraltar
Sunnudag 5. sep. kl. 18.00 Ísland – Føroyar

Føroyska liðið

Fleyr: Vár Rajani Færø (10), Hanna Iansdóttir Biskupstø (1), Helena Skylv Hansen (3)

SÍ: Sofía Weihe Simonsen (2), Janna Falkvard (7), Inga Helena Henriksen (14), Eva Gunn Niclasen (08)

KÍF: Milja Silvansdóttir (9), Marta Fagrakeltt (15), Jakobina Joensen (11)

Mjølnir: Anna Arnholdsdóttir (5)

Dráttur: Henrikka Wang Jacobsen (6)

Venjari: Lars Engell

Føroyskur dómari í kappingini: Dávið Hentze