Flogbóltur: U19-landsliðini til Finnlands

Í morgun fara føroysku U19-flogbóltslandliðini til Kuortane í Finnlandi at dystast í Nevza-kappingini. Hetta er ein árlig kapping fyri Norðurlond og Ongland.

Krútsterk mótstøða

Eins og í U17-kappingini, ið júst hevur verið, koma føroysku liðini upp ímóti ógvuliga sterkari mótstøðu. Genturnar eru í bólki við Finnlandi, Onglandi og Danmark, og dreingirnir eru í bólki við Noregi og Svøríki. Bara nr. 1 og 2 spæla seg víðari til hálvfinalurnar. Hini liðini savnast í nýggjum bólki at dystast um 5. – 7. plássið. 

FM 1 sendir beinleiðis

Fyrstu dystirnir eru á skránni fríggjadagin. Tá spæla dreingirnir báðar dystirnar í bólkaspælinum. Fyrst ímóti Svøríki klokkan 12 og so ímóti Noregi klokkan 16

Genturnar spæla ímóti Danmark klokkan 10 og ímóti Finnlandi klokkan 14.

Flestu dystirnir verða sendir beinleiðis á FM1.

Tey, sum manna liðini eru hesi:

U19 gentur

Janna Falkvard, Hanna Iansdóttir Biskopstø, Barbara Káradóttir Durhuus, Elsa Samuelsen, Sára Maria Johansen, Sesilia Johnsdóttir Prior, Bjørk Nolsøe Isaksen, Eva Gunn Niclasen, Jakobina Joensen, Zoe Dickson, Sára Rannváardóttir Vatnhamar, Vár Rajani Færø 

U19 dreingir

Julian Vest Niclasen, Jónfinnur Jógvansson Hansen, Ragnar Weihe, Hákun Heinason Weihe, Mattias Nolsøe Isaksen, Jón Weihe Simonsen, Dávið Hentze, Hjørtur Joensen, Ari í Haraldsstovu Petersen, Jógvan Gøthe Magnusson, Bjarni Joensen, Tórur Gunnarson Højsted