FM1: Fótbóltsskýlið og frásøgn av Tórsvølli í kvøld

Eingin evropeiskur dystur hóskvøldið, hóast hópurin hjá Lech Poznan lendi seinnapartin. Men hetta merkir, at talan verður um eitt spennandi fótbóltsfríggjakvøld á Tórsvølli - og á FM1 og Portalinum.

Sí eisini: Bráðvend eftir pólskt trýst: KÍ og Lech Poznan spæla kortini ikki í kvøld

Til ber at fylgja gongdini í seinna dystinum í 3. umfari á Portalinum, og vit hava myndir, samrøður og annað.

FM1 sigur frá dystinum. Tað vera Trygvi Absalonsen og Eli Simonsen, sum verða ávikavist frásøgumaður og viðmerkjari.

Eli og Trygvi vera at hoyra frá svalanum á Tórsvølli frá beint fyri klokkan 19 (Mynd: Sverri Egholm)

Frá klokkan 17.15 sendir FM1 fríggjadagssendingina Fótbóltsskýlið. Og hetta verður úr miðlarúminum á Tórsvølli.

Sendingin fer at snúgva seg um evropeisku dystirnar hesa vikuna, har vit millum annað taka samanum avrikini hjá NSÍ, sum er úti eftir javnleikin móti Lugano í gjár. Spennandi landskappingin verður eisini løgd undir luppin, og Leivur Frederiksen verður gestur í allari sendingini - onnur vitja eisini.

Lurta eftir FM1 her