Hondbóltur

Føroyar vunnu eftir brotskastkapping

Føroyska u-18 liðið í hondbólti vann í dag ímóti Georgia eftir brotskastkapping.

Mynd: HSF

Mynd: HSF

2018-08-18 14:36 Author image
Regin Winther Poulsen

Í dag spældi føroyska u-18 landsliðið í hondbólti ímóti Georgia í EM-kapping. Dysturin merkir, at Føroyar enda nummar 5 ella 6 í kappingini. Dysturin um tey plássini er í morgin og verður móti vinnaranum av dystinum millum Finnland og Luksemburg. Tað skrivar HSF.fo.  

Føroyar byrjaðu dystin betur og løgdu seg á odda 7-1. Georgia kom tó spakuliga betri inn í dystin og hálvleiksstøðan var 18-12 til Føroyar. Føroysku dreingirnir fingu eina vánaliga byrjan uppá seinna hálvleik, og eftir tíggju minuttum var støðan 19-19. 

Eftir hettar gekk betri og tá ein minuttur var eftir av dystinum fingu Føroyar brotskast, sum Elias á Skipagøtu, toppskjúttin á føroyska liðnum, setti í netið til 27-26 til Føroyar. Georgia megnaði tó at javna tá heilt fá sekund vóru eftir og tí var farið undir brotskastkapping, sum Føroyar vunnu. 

Málskjúttarnir í dystinum vóru hesir: 
Elias á Skipagøtu 13
Hákun West av Teigum 6
Dánjal Ragnarsson 6
Julian Kragesteen 2
Tróndur Mikkelsen 2
Pauli Mittún 2
Heini á Heygum 1 

 

placeholder
placeholder