Føroyar vunnu greitt í venjingardysti í Reykjavík

Føroyska A-landsliðið hjá kvinnum skal í komandi viku í eldin í HM-undankapping í Sveis.

Sum liður í fyrireikingunum spæla Føroyar hetta vikuskifti tveir venjingardystir í Íslandi. Íslendska landsliðið skal eisini spæla HM-undankapping. 

Føroyska liðið vísti av álvara tenn í Reykjavík í dag, og vann við heili átta málum. Fyrri hálvleikur var javnur, men tær á føroyska liðnum vóru nærlagdar og ágýtnar og á odda 12-9, tá liðini fóru at hvíla seg.

Munurin bara øktist í 2. hálvleiki, og Føroyar lótu bara 17 mál inn ímóti grannunum fyri vestan. Hetta var takkað góðum og ágangdi verjupælið og einari vælleikandi Viviann Petersen í føroyska málinum. Málverjin hjá VÍF hevur áður spælt í Íslandi. Generelt var føroyska liðið omaná, og harvið fekk íslendingurin, Águst Jóhansson, eina góða byrjan sum føroyskur landsliðsvenjari.

Føroyar og Ísland spæla aftur í morgin klokkan 16.00.

Ísland - Føroyar 17-25 (9-12)

Toppskjútti: Kristianna Henneberg Joensen, 6 mál