Fótbóltsskýlið á FM1 klokkan 16

Eli Simonsen og Ronnie Thomassen verða í dag gestir hjá Trygva Absalonsen í Fótbóltsskýlinum, sum verður sent á FM1 hvønn fríggjadag.

Nógv er at tosa um. Víkingur tapti týsdagin í seinna dystinum móti Lincoln Red Imps úr Gibraltar og er úti av Champions League, og hjá NSÍ fór alt fyri mutur og skutur í seinna dystinum móti finska høvuðsstaðarliðnum HJK.

Hiti og reytt kort gjørdu seg millum annað galdandi.

Hinvegin megnaði KÍ at vinna 2-0 í gjár og vinna seg trygt víðari til annað umfar í Conference League.

Flytingarvindeygað lat aftur í gjár, og verða seinatu flytingarnar - millum annað Magnus Holm Jacobsen til 07 Vestur - umrøddar.

Fótbóltsskýlið verður sent beinleiðis á FM1 fríggjadagar klokkan 16.

Lurta eftir FM1 her