Fótbóltur

Fulham hevur sagt samstarvið við Ranieri upp

Royndi italienski venjarin fekk bert stórar tríggar mánaðir hjá uppflytarunum. Fyrrverandi miðvallarin, Scott Parker tekur yvir restina av kappingarárinum.

Scott Parker skal avloysa Claudio Ranieri 
(Mynd: SkySports)

Scott Parker skal avloysa Claudio Ranieri (Mynd: SkySports)

2019-02-28 17:44 Author image
Agnar Prestá
placeholder

Fulham er í tungum sjógvi í Premier League, og støðan gjørdist ikki betri, eftir at liðið tapti botndystin í Southampton í gjárkvøldið. Liðið er tíggju stig frá bjargingini, og bert tíggju dystir eru eftir at leika. Álvarsliga støðan og ringa gongdin hevur nú fingið avleiðingar fyri Ranieri.

Mitt í november avloysti Claudio Ranieri Slavisa Jokanovic. Fyrrverandi Leicester og Chelsea-venjarin fekk eina góða byrjan í London-felagnum, men í hansara 17 dystum hevur Fulham bert vunnið tríggar av teimum. Í dag fall hamarin, og eigarin hjá Fulham, Shahid Khan, váttaði í dag á heimasíðu felagsins, at samstarvið við Ranieri er av. 

Kahn sigur, at eftir prátið við venjaran í dag, var Claudio Ranieri samdur í, at tað rætta var at steðga samstarvinum. Eigarin hjá Fulham slær fast, at venjarin tók tað pent, sum ein "gentleman":

- Tíðin hjá Claudio í Fulham gav ikki tey úrslitini, ið vit roknaðu við og vónaðu, tá eg setti hann í november. Men eg kann vissa um, at hann ikki einsamallur hevur skuldina fyri støðuna, sum vit eru í dag. 

Tað er Scott Parker, ið skal loysa Claudio Ranieri. Fyrrverandi landsliðsleikarin endaði sína 20-ára yrkisleið sum leikari hjá Fulham í 2017, og miðvallarin kom aftur til felagið eitt ár seinni og gjørdist partur av venjaratoyminum. Nú skal hann standa á odda og royna at bjarga Fulham. 39-ára gamli Parker triðji høvuðsvenjari hjá felagnum í hesum kappingarárinum.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder