Fult stigatal á Vágseiði

FSF: FC Suðuroy er komið væl frá byrjan í 2. deild hjá monnum. Eftir fyrstu sjey umførini eru Pól Thorsteinsson og hansara menn fremstir við fullum stigatali, meðan NSÍ er á 2. plássi við 18 stigum, trý færri enn vágbingar.

Seinasti sigurin hjá FC Suðuroy kom í hús síðsta leygardag, tá teir sendu Royn av Vágseiði aftur við einum 4-0 tapi í viðførinum. Owusu Andorful skoraði tvey mál, meðan Valerin Iobashvili og Fríði Holm, sum við 9 málum er toppskjútti í deildini, skoraðu hvør sítt.

Og samstundis sum vágbingar vunnu oyggjauppgerðina móti hvalbingum, gav NSÍ einki frá sær, tá AB, ið eisini stríðist um uppflyting, var á vitjan við Løkin í Runavík. Vespurnar vunnu 3-0 við málum frá Pól Jóhannusi Jústinussen, sum skoraði tvær ferðir, og Kára Johannessen.

Úrslit, 7. umfar
FC Suðuroy – Royn 4-0
Víkingur – Skála 4-2
ÍF – 07 Vestur 3-3
KÍ – B36 2-3
FC Hoyvík – MB 1-0
NSÍ – AB 3-0

Undan hesum kappingarárinum tók FSF avgerð um at royna 12 lið í triðbestu deildini hjá monnum. Hetta er ikki roynt áður, men okkurt bendir á, at avgerðin var røtt, tí higartil hevur talan verið um eina góða kapping, við nógvum spennandi dystum.

Stigatalvan og leikskráin síggjast her