Fótbóltur

28. umfar: Fýra týðandi sigrar

Frálíkt langskotsmál í Newcaslte, tvey íslendsk mál í Wales, dramatiskt mál í Huddersfield og fyrsti sigur í næstan tveir mánaðir í Leicester.

Rafa Benitez og Newcastle vunnu í kvøld á Burnley
(Mynd: EPA)

Rafa Benitez og Newcastle vunnu í kvøld á Burnley (Mynd: EPA)

2019-02-26 22:08 Author image
Agnar Prestá
placeholder

Fýra dystir í Premier League vórðu leiktir í kvøld. Talan var um fyrstu dystirnar í 28. umfari. Tað var í botnstríðnum, at nógv var uppá spæl. Tvey av liðunum ið kundu verið av álvara íblandað vunnu góðar sigrar, Newcastle vann týðandi sigur á kappingarneyta á heimavølli, og Huddersfield tryggjaði sær eina lívlinju við málið í yvirtíðini. 
 
Cardiff - Everton 0-3 (0-1)
Huddersfield - Wolves 1-0 (0-0)
Leicester - Brighton 2-1 (1-0)
Newcastle - Burnley 2-0 (2-0)

Í Norðuronglandi hittust tvey lið, ið vóru stutt omanfyri strikuna undan fyrsta bríksli í kvøld. Burnley kom við einum frálíkum sigri á Tottenham í viðførinum, men Newcastle var omaná í 1. hálvleiki. Liðið hjá Rafa Benitez skoraði eisini bæði málini í dystinum fyri steðgin. 1-0 málið var ein langskotsperla frá Fabian Schär. Sveisiski verjuleikarin høgdi til úr áleið 30 metrum, og hann hevur nú skorað fleiri týðandi mál fyri Newcastle. Í 38. minutti økti Sean Langstaff. 21-ára gamli miðvallarin fekk eitt innlegg úr vinstru, ið hann hegnisliga tók niður, og hann smekkaði sítt fyrsta Premier League mál inn. Í 2. hálvleiki royndi Burnley at svara aftur, men heimaliðið helt fast, og Newcaslte er nú á 13. plássi.  

Í Wales skoraði Gylvi Sigurðsson tvær ferðir, tá Everton syrgdi fyri, at Cardiff hevur latið 8 mál innan eina viku, og at Everton ikki gerst íblandað í botnstríðið.

Tað ger Leicester helst heldur ikki, tí liðið vann fyri fyrstu ferð síðani 1. januar, tá Brighton var á vitjan. Felagið hevur í kvøld sett Brendan Rodgers sum nýggjan høvuðsvenjara, og málini hjá Demari Gray og Jaime Vardy gjørdust avgerandi í dystinum kvøld.

Huddersfield er botnproppur, men fekk ein góðan sigur í kvøld ið kann geva liðnum vón. Tað var Steve Mounie, sum í yvirtíðini skoraði einsamalla málið og sendi Wolves heim við ongum. 

Í morgin eru seks dystir í 28. umfari, har serligt fokus er á oddastríðið og topp-fýra, men har ein ógvuliga týðandi dystir í Southampton eisini er á skránni: 

19.45: Arsenal - Bournemouth 
           Southampton - Fulham

20.00: Chelsea - Tottenham 
           Crystal Palace - Manchester United
           Liverpool - Watford
           Manchester City - West Ham

Støðan: 

Liverpool

 

66 stig

2

Manchester City

 

65 stig

3

Tottenham Hotspur 

 

60 stig

4

Arsenal 

 

53 stig

5

Manchester United

 

52 stig

6

Chelsea 

 

50 stig

7

Watford 

 

40 stig

8

Wolverhampton *

 

40 stig

9

Everton *

 

36 stig

10

West Ham 

 

36 stig

11


Leicester *

 

35 stig

12

AFC Bournemouth

 

34 stig

13

Newcastle *

 

31 stig

14

Crystal Palace 

 

30 stig

15

Burnley *

 

30 stig

16

Brighton & Hove Albion 

 

27 stig

17

Cardiff *

 

25 stig

18

Southampton

 

24 stig

19

Fulham 

 

17 stig

20

Huddersfield Town *

 

14 stig

 

placeholder
placeholder