Fyrireika seg nú til dystirnar móti Finnlandi og Ísrael

A-landsliðið hjá kvinnum í hondbólti er nú farið undir fyrireikingarnar til undan-undankappingardystirnar til EM.

Í døgunum verður EM-undan-undankapping fyri kvinnur í Føroyum, har Føroyar skulu spæla móti Finnlandi og Ísrael. Vinnarin av kappingini fær so pláss í bólkaspælinum til EM-undankappingina í heyst.

Kvinnurnar eru farnar undir fyrireikingarnar og venja regluliga saman fram til kappingina, skrivar Hondbóltssambandið.

Venjarar hjá kvinnulandsliðinum eru Dragan Brljevic og Finnur Hansson.

Leikskráin fyri kappingina í juni sær soleiðis út:

• Fríggjadagin 4. juni kl. 18.30: Føroyar – Finnland
  
• Leygardagin 5. juni kl. 18.00: Finnland – Ísrael
  
• Sunnudagin 6. juni kl. 16.00: Føroyar – Ísrael