Agnar Prestá
Europa League-steypið er uppá spæl í írska høvuðsstaðnum í kvøld. Tey bæði liðini, sum skulu stríðast um tað, hava ongantíð áður vunnið eitt evropeiskt steyp.
Bayer Leverkusen var nær við í 2002. Tá var Real Madrid tó sterkari í Champions League-finaluni í Skotlandi. Um sama mundið misti Leverkusen týska meistaraheitið og tapti steypafinaluni.
2023-2024 kann tí venda hesum á høvdið. Liðið hjá Xabi Alonso hevur langt síðani tryggjað sær týska meistaraheitið. Bayer Leverkusen er ikki bert ósigrað í Bundesliguni í kappingarárinum - man hevur ikki tapt ein einasta dyst. Leygarkvøldið skal Leverkusen spæla steypafinalu móti Kaiserlautern.
Í kvøld snýr tað seg um eitt evropeiskt steyp. Mótsstøðuliðið Atalanta hevur ikki vunnið eitt stórt steyp síðani Coppa Italia í 1963.
Liðið hjá Gian Piero Gasperini endaði á 5. plássi í Serie A. Í Europa League hevði álopskenda liðið sín besta dyst á Anfield í fyrru fjórðingsfinaluni. Marseille varð sent út í hálvfinaluni. Fyri viku síðani tapti Atalanta italsku steypafinaluni fryi Juventus - nú kann eitt flott punktum setast fyri kappingarárið.
Europa League-finala
Í kvøld, mikudagin 22.05 á Aviva leikvøllinum
20.00: Atalanta - Bayer Leverkusen
Vinarliga broyt tínar kennifíla - og privatlívsstillingar fyri at síggja hetta innihald