Fyrstu føroysku heiðursmerkini komin í hús

Fimleikurin hevur í morgun vunnið Føroyum fimm gull og tvey silvurheiðursmerki á oyggjaleikunum í Orknoyggjum.

Menninir hava verið á gólvinum í morgun, og teir vunnu liðkappingina. Harumframt vunnu teir fýra gull.

Rókur Sumberg Vestergaard vann sjálvur tvey gull, umframt eitt silvur. Torleivur Christiansen var bestur í ringinum, og Ari Pouslen endaði eisini við gullheiðursmerki.

Bjarki Johannesen tryggjaði sær silvur í barr.

Onnur heiðursmerki skulu eisini væntast í dag. Í badminton eru Føroyar við í finalu í kvøld, og eisini í frælsum ítrótti er møguleiki fyri heiðursmerkjum. Finalur í svimjing verða í kvøld og her kunnu vit eisini væntað heiðursmerki.

Fult yvirlit sæst her