Fyrstu hálvfinalurnar verða spældar í kvøld

Um vikuskifti verður opið hús í nýggju stórhøllini við Tjarnir, og næsta vikuskifti aftur verða Faxe Kondi steypafinalurnar spældar har.

Sunnudagin verður endaliga greitt, hvussu finalurnar hjá teimum vaksnu fara at síggja út.

Fyrstu dystirnir verða spældir í kvøld, og í morgin spæla hini fýra liðini fyrru hálvfinalunum.

Hjá kvinnum er Kyndil, sum vann gull í fjør stórfavorittur móti Stjørnuni. Í hinari uppgerðini liggur favorittleikluturin hjá hoyvíkskvinnum, men har kann væntast, at tað verður tættari.

Hjá monnum sær tað á pappírinum meira opið út, men eftir gongdini í seinastuni og ávísum fyritreytum, eru Kyndil og H71 eisini favorittar har.

Hálvfinalur hjá kvinnur

Í dag, mikudag 12. februar
18:00 Neistin – H71

Í morgin, hósdagin 13. februar
18:00 Kyndil – Stjørnan

Seinnu dystirnir:

Leygardagin 15. februar
17:00 H71 – Neistin

Sunnudagin 16. februar
15:00 Stjørnan – Kyndil

Hervør Niclasen skorar her fyri Neistan, men tað var Kyndil, sum var omaná í grannafinaluni í fjør (Mynd: Jens Kr. Vang)

Hálvfinalurnar hjá monnum

Í dag, mikudag 12. februar
20:00: KÍF – H71

Í morgin, hósdagin 13. februar
20:00 Kyndil – VÍF

Seinnu dystirnir:

Leygardagin 15. februar
19:00 H71 – KÍF

Sunnudagin 16. februar
19.00: VÍF – Kyndil

Live.hsf.fo stroymir allar dystirnar, og Kringvarpið stroymir kvinnudystin í kvøld og mansdystin í morgin. Til ber at fylgja gongdini og síggja hagtøl ovast á portal.fo.