Fótbóltur

Gilli skrivað undir við TB

Sum Portalurin skrivaði í gjár, so var ein sáttmáli millum Gilla Rólantsson Sørensen og TB ein sannlíkur møguleiki. Nú er staðfest, at landsliðsleikarin spælir við barndómsfelagnum næstu tíðina.

André Dalfoss, formaður í TB, og Gilli Rólantsson Sørensen (Mynd: TB)

André Dalfoss, formaður í TB, og Gilli Rólantsson Sørensen (Mynd: TB)

2023-03-15 15:54 Author image
Sverri Egholm
placeholder

Sum Portalurin skrivaði í gjár, so var TB ein møguleiki hjá Gilla Rólantsson Sørensen, og hevur hann vant við barndómsfelagnum fyri at halda seg í gongd seinastu tíðina. Og nú, sjey minuttir áðrenn flytingargluggin stongir, boðar Tvøroyrar Bóltfelag, at sáttmáli er undirskrivaður. 

Hetta er uttan iva størsta flytingin í hesum flytingarglugganum.

TB skrivar soleiðis um óvæntaðu flytingina:

GILLI ER KOMIN HEIM!!! 

Ja, tit hoyrdu rætt, hóast tað líka skal sodna eina løtu! Okkara egni Gilli Rólantsson Sørensen, hevur skrivað undir sáttmála við barndómsfelagið, TB! Tað er ikki hissini royndir Gilli hevur í fótbólti. Hansara fyrsta dyst fyri besta liðið hjá TB, spældi hann í 2009 í einum dysti um Løgmanssteypið. Tann dystin vann TB 6-0 og tann tá bert 17-ára gamli Gilli skoraði síni fyrstu 2 av 12 málum í 22 dystum tað árið. Hamrandi skjóti leikarin er skrásettur fyri 60 dystir og 22 mál fyri TB. Í 2013 spældi hann fyri B36 har hann skoraði 5 mál í 29 dystum.

Yrkisleiðin hjá Gilla, ið framvegis einans er 30 ára gamal og tískil hevur mong góð ár í sær enn, hevur serliga verið í Noregi, hóast yrkisleiðin uttanlands byrjaði í Aberdeen. Úr B36 flutti Gilli til donsku superliguna, til AAB í 2014. Síðan spældi hann fyri Brann Bergen, í bestu norsku deildini, frá 2016-21 og so fyri Odds BK frá 2021-2022. Gilli er harafturat skrásettur fyri 60 A-landsdystir, eins og hann hevur roynt seg á U17, U19 og U21 landsliðunum.

Vit eru ómetaliga glað fyri at hava fingið Gilla heim aftur og gleða okkum til at síggja hann í troyggjuni aftur! Bestu eydnu í 2023 Gilli og hjartaliga vælkomin heim! 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder