Góð úrslit á Reykjavík Open

Føroyskir svimjarar eru komnir heimaftur úr Íslandi við ikki færri enn 15 heiðursmerkjum, sum vórðu vunnin í svimjikappingini Reykjavík International 2022.

Svimjarar úr Havnar Svimjifelag vunnu tvey gull, sjey silvur og trý bronsuheiðursmerki, og svimjarar úr Suðuroyar Svimjifelag vunnu 3 bronsuheiðursmerki.

Serliga Bartal Erlingsson Eidesgaard hevði eitt slag av altjóða gjøgnumbroti her. Hann var tann mannligi svimjarin, sum vann flest heiðursmerki, nevniliga tvey gull, eitt silvur og eitt bronsuheiðursmerki.

Hartil vóru heiðursmerki eisini í yngra bólkinum.

Í 50 metra ryggsvimjing fyri kvinnur vann Elisabeth Erlendsdóttir (2005, HS) bronsu, meðan Eyðrið Mortensen (2003, HS) varð nr 5 í A-finaluni, og Elin Christiansen (2004, SuSvim) og Bjørk L. Sørensen (2004, SuSvim) ávikavíst nr 1 og 7 í B-finaluni

Í 50 metra bringusvimjing fyri menn varð Rúni Dahl (2004, SuSvim) nr 7 í A-finaluni, meðan Heini Hansen (2004, SuSvim) og Fróði Hansen (2008, FS) vórðu ávikavíst nr 4 og 8 í B-finaluni

Í 50 metra firvaldssvimjing fyri kvinnur varð Jóhanna Ólavsdóttir (2007, FS) nr 6 í A-finaluni, meðan Elin Christiansen og Birita Vesturtún (2007, FS) vórðu ávikavíst nr 1 og 3 í B-finaluni.

Í 50 metra frísvimjing fyri menn vann Bartal E. Eidesgaard (2003, HS) silvur, meðan Bartal Debess (2002, SuSvim) varð nr 4 í A-finaluni

Í 400 metra frísvimjing fyri kvinnur vann Vár E. Eidesgaard (20021, HS) silvur, meðan Eyðrið Mortensen varð nr 4

Í 200 metra ryggsvimjing fyri kvinnur vann Elisabeth Erlendsdóttir silvur

Í 100 metra ryggsvimjing fyri menn vann Bartal Debess silvur, meðan Jónathan L. Sørensen (2006, SuSvim) varð nr 4 í B-finaluni

Í 100 metra bringusvimjing fyri kvinnur vórðu Rebekka Róðinsdóttir (2007, FS) og Birita Vesturtún ávikavíst nr 1 og 5 í B-finaluni

Í 200 metra bringusvimjing fyri menn varð Fróði Hansen nr 4 í finaluni

Í 100 metra firvaldssvimjing fyri menn varð Hans Jacob Hjelm (2003, SuSvim) nr 2 í B-finaluni

Í 100 metra frísvimjing fyri kvinnur vann Alisa Vestergård (2003, SuSvim) bronsu, meðan Vár E. Eidesgaard varð nr 6 í A-finaluni, og Margit Højbro (2007, FS) nr 7 í B-finaluni

Í 200 metra frísvimjing fyri menn vann Bartal E. Eidesgaard gull

Í 50 metra ryggsvimjing fyri menn vann Bartal Debess  bronsu í A-finaluni, meðan Teitur Winther (2005, SuSvim varð nr 2 í B-finaluni

Í 50 metra bringusvimjing varð Rebekka Róðinsdóttir nr 2 í B-finaluni

Í 50 metra firvaldssvimjing fyri menn vann Bartal E. Eidesgaard bronsu í A-finaluni, har Hans Jacob Hjelm (2003, SuSvim) varð nr 6, eisini í A-finaluni

Í 50 metra frísvimjing fyri kvinnur varð Alisa Vestergård nr 5 í A-finaluni, meðan Elisabeth Erlendsdóttir varð nr 8, eisini í A-finaluni

Í 200 metra blandaðari svimjing fyri kvinnur vann Eyðrið Mortensen silvur í finaluni

Í 100 metra ryggsvimjing fyri kvinnur vann Elisabeth Erlendsdóttir silvur í A-finaluni, meðan Elin Christiansen og Bjarta í Lágabø (2009, SuSvim) vórðu ávíkavist 5 og 7 í B-finaluni

Í 100 metra bringusvimjing fyri menn varð Rúni Dahl nr 7 í A-finaluni, meðan Fróði Hansen varð nr 5 í B-finaluni

Í 100 metra firvaldssvimjing fyri kvinnur varð Jóhanna Ólavsdóttir nr 5 í A-finaluni

Í 100 metra frísvimjing fyri menn vann Bartal E. Eidesgaard gull í A-finaluni, meðan Bartal Debess varð nr 1 í B-finaluni

Í 200 metra frísvimjing fyri kvinnur vann Vár E. Eidesgaard bronsu í finaluni, meðan Eyðrið Mortensen og Alisa Vestergård vórðu ávikavíst nr 5 og 7