Agnar Prestá
Tað eru steypavinnararnir seinastu tvey árini í U21, sum hittast í finaluni um Thomas Dam Intersport steypið í annaðkvøld. HB vann í fjør, og B36 vann í 2021. Um hugt verður fimm ár aftur, so hava feløg úr Tórshavnar kommunu sitið á tí:
Thomas Dam Intersport steypið seinastu fimm árini:
2022: HB
2021: B36
2020: AB
2019: HB
2018: HB
Kelda: FaroeSoccer
Tað eru sjálvandi broytingar í hópunum í mun til hesar finalurnar, men tað merkir helst nógv fyri feløgini at halda vinnarasiðvenjuna.
B36 og HB endaðu ikki í oddinum í landskappingini, sum 07 Vestur vann. Tað vera nummar 4 og nummar 6 í landskappingini í ár, sum bresta samam. Fótbóltssamband Føroya vísir á innanhýsis úrslitini:
- Um hugt verður eftir úrslitunum í innanhýsis dystunum millum grannarnar í Gundadali higartil í ár, so kunnu vit vænta ein góðan dyst, við nógvum málum.Í landskappingini hava liðini møtt hvør øðrum tríggjar ferðir. B36 hevur vunnið tvær ferðir, 2-1 og 4-2, meðan HB hevur vunnið ein dyst, sum endaði 4-2 til teir reyð-svørtu.
Dómari í finaluni fríggjakvøldið verður Heini Ziskason Viðoy, og at hjálpa sær hevur hann Emil Sørensen og Sámal Weihe. 4. dómari verður Annfinn Hjaltalin, upplýsir fsf.fo.
Vinarliga broyt tínar kennifíla - og privatlívsstillingar fyri at síggja hetta innihald