Greiði toppskjúttin í 1. deild á veg til B36

B71 flutti ógvuliga sannførandi upp í ár við Lucas Ørneborg sum greiðum toppskjútta. 24-ára gamli danin skoraði heili 33 mál í 1. deild, og longu í summar var sum skilst stórur áhugi fyri málrevinum - millum annað úr høvuðsstaðnum.

Allir útlendingarnar, sum endaðu kappingarárið á Sandoynni, halda fram í Meistaradeildini í 2027, umframt at B71 fer at leggja onkrar spælarar afturat. Men Lucas Ørneborg hevur ikki longt sáttmálan, og nú er so at siga greitt, at fyrrverandi ungdómsspælarin hjá FCK og Lyngby spælir við B36 í 2027.

Hetta siga fleiri keldur hjá Portalinum seg vita.

Ørneborg er undir sama umboðsfelagi sum landsmenninir William Rygaard og Sebastian Slettegaard, sum báðir hava sáttmála til B36 fyri næsta ár. 

Umframt Slettgaard, sum spældi fyri Skála í seinnu hálvu í ár, er Djóni Samuelsen hin nýggi kunngjørdi B36-spælarin. 19-ára gamli vongurin er uppvaksin í HB men hevur seinastu tvey árini spælt fyri B68.

Djóni Samuelsen hevur gjørt tvey-ára sáttmála við B36 (Mynd: Fótbóltsfelagið B36)

Eins og onnur feløg, leitar B36 eisini eftir øðrum styrki. Og so er tað venjaraposturin.

Jákup á Borg hevur staðfest, millum annað fyri FM1, at hann mest sannlíkt ikki verður høvuðsvenjari í felagnum næsta ár. 

Sum skilst hevur B36 serliga leitað uttanfyri landoddarnar seinastu tíðina og serliga í Noreg, har yngri sum eldri nøvn hava verið uppá tal - okkurt var eisini nær við at koma uppá pláss.

Ein týskari er/hevur verið á breddanum, og nógv bendir á at onkur endalig avgerð fyriliggur skjótt í sunanra enda av Gundadali.