Fótbóltur

Greitt hvussu hálvfinalurnar verða leiktar

Hóast fjórðingsfinalurnar enn ikki eru spældar, so var lutakast um hálvfinalurnar í 3-2 í kvøld.

(Savnsmynd: Bjarni Enghamar)

2020-11-23 20:31

Sverri Egholm

Fjórðingsfinalurnar í kappingini um løgmanssteypið verða avgreiddar mikudagin, men longu í kvøld var lutakast í 3-2 um hvussu hálvfinalurnar skulu spælast.

Orsøkin til at lutakastið var í kvøld er stutta skotbráið. Longu leygardagin og sunnudagin verða hálvfinalurnar spældar, upplýsti Kristmund Johannesen, limur í kappingarnevndini hjá FSF, sum eisini trekti lut í sendingini.

Vinnararnir av Víkingi/TB - B36/AB skulu spæla í aðrari hálvfinaluni, meðan vinnararnir av NSÍ/Skála - 07 Vestur/HB spæla í hinari hálvfinaluni.

Hálvfinala 1
Víkingur/TB - B36/AB

Hálvfinala 2
NSÍ/Skála - 07 Vestur/HB

Sjálv finalan um løgmanssteypið verður leikt 5. desember.

Vinarliga broyt tínar kennifíla - og privatlívsstillingar fyri at síggja hetta innihald