Agnar Prestá
Strandingurin Búi Poulsen, størsti maðurin á liðnum, skoraði við frekum skoti uppum manngarðin, tá tíðin í 1. hálvleiki var farin. Harvið javnaði hann til 13-13, og ein situr við kensluni av, at hvørt mál er uppaftur meira virðismikið í hesari tøttu fjórðingsfinaluni.
Málið fullførdi eisini vendu gongdina hjá Føroyum seinasta partin av hálvleiki. Egyptaland var annars á odda við 2-3 málum ein part av seinna helmingini av hálvleikinum, men síðani hava okkara fingið loyst upp fyri heldur stirvna álopsspælinum, ið tykiskt merkt eitt sindur av nervum, og at Egyptaland hevur mansvart Óla Mittún eina góða løtu. Hetta hevur kviki Trúgvi Hávardsson millum annað syrgt fyri við áræði og góðum fríspælingum. 7 móti 6-spælið hevur verið gott og umráðandi.
Verjuparturin byrjaði ógvuliga væl í Varazdin - Egyptaland skoraði ikki fyrstu seks minuttirnar og hevur sum heild verið góður. Eisini við fleiri bjargingum frá Sasha í málinum.
Tað er púra javnt og - ov - spennandi her í HM-fjórðingsfinaluni. Dysturin kann stroymast her.
HM-fjórðingsfinala (U19)
Varazdin Arena, 10.08
Føroyar - Egyptaland (13-13)
Føroyskir málskjúttar:
Óli Mittún 6
Ísak Vedelsbøl 3
Búi Djurhuus Poulsen 2
Niklas Gaard 1
Rókur Ziskason 1
Brend skot: 8
Dystargongdin:
5.min: 2-0
10 min: 2-3
15 min: 6-6
20 min: 7-9
25 min: 9-11
30 min: 13-13
Bjargingar:
Aleksandar “Sasha” Lacok
Útvísingar:
Føroyar: 1
Egyptaland: 4
Tekniskar villur:
Føroyar: 5
Egyptaland: 6
Vinarliga broyt tínar kennifíla - og privatlívsstillingar fyri at síggja hetta innihald