Agnar Prestá
Seinasta umfar í grundspælinum í Okkara-deildini varð leikt í dag. Spenningur var ikki um hvørji lið komu víðari til hálvfinalurnar, men spenningur var um hvør edaði hvar.
VÍF hevur havt takið á Neistanum í ár, og vestmenningar sigraðu í Stórhøllini í dag. Teir í bláum skuldu annars bert hava eitt stig fyri at enda ovast eftir 18 umfør. Tað var javnt fram til miðskeiðis i 2. hálvleiki. So skoraði útiliðið fimm mál á rað, og so var ov seint hjá Neistanum at svara aftur.
H71 gjørdi sítt við at hølva Team Klaksvík av. Útiliðið hevur havt eitt ógvuliga trupult kappingarár og skoraði í dag bert seks mál fyri steðgin. Hoyvíkingar vunnu við 21 málum og sleppa nú at velja hvørjum liðið teir møta í hálvfinalunum.
Kyndil kundi bert enda á 4. plássinum. Teir grønu endaðu væl við tryggum sigri á
StÍF. Fyrri hálvleikur var javnur, men í 2. hálvleiki trekti heimaliðið veruliga frá.
H71 skal nú velja sær eitt mótstøðulið til hálvfinalurnar. Hini bæði liðini hittast í hinum. Tað verður helst kunngjørt í morgin hvør spælir ímóti hvørjum, og fyrru hálvfinalurnar verða helst leiktar mitt í komandi viku. Trý tey niðastu liðuni spæla heima og úti ímoti hvørjum øðrum í innanhýsis kapping.
H71 - Team Klaksvík 33-14 (16-6)
Toppskjúttar: Vilhelm Poulsen 6, Sámal á Tjaldrafløtti 5
Neistin - VÍF 23-30
Toppskjúttar: Høgni Zachariassen og Rasmus Søby 7, Filip Jojic 7
Toppskjúttar:
Kyndil - StÍF 33-18 (13-10)
Toppskjúttar: Rógvi Dal-Christiansen 7, Pætur Johansen 8
Endaliga støðan eftir 18. umfør:
H71 25
Neistin 25
VÍF 25
Kyndil 21
-----------
KÍF 18
StÍF 10
Team Klaksvík 2
Vinarliga broyt tínar kennifíla - og privatlívsstillingar fyri at síggja hetta innihald