Hondbóltur

H71 hevur avbjóðandi evropeiska uppgávu í kvøld

Fyrri European Cup-dysturin millum H71 og pólska Rebud Kpr Ostrovia byrjar klokkan 17 og sæst á Portal Play við frásøgumanni.

H71 bardi niður mótsstøðuna úr Kroatia í seinasta umfari - nú koma póllendingar (Mynd: Jens Kr. Vang)

H71 bardi niður mótsstøðuna úr Kroatia í seinasta umfari - nú koma póllendingar (Mynd: Jens Kr. Vang)

2026-11-21 13:09 Author image
Agnar Prestá
placeholder

Einasta føroyska umboðið sum er eftir í evropeiskari kapping, er mansliðið hjá H71. Hoyvíkingar vunnu seg víðari úr 2. umfari við samanløgdum sjey-máls sigri á kroatiska MRK Trogir.

Grundarlagið fyri tí sigrinum varð lagt á heimavølli, og H71 hevur samrátt seg til, at báðir dystirnir í 3. umfari verða spældir í Hoyvíkshøllini. Nakað sum kann gerast ein stórur fyrimunur hjá føroyameistarunum. 

- Tað kann sjálvandi hava nógv at siga, at vit spæla dystirnar við okkara áskoðarum og kendu umstøðum - heldur enn frammanfyri upp ímóti 4.000 heimáskoðarum í Póllandi, sigur Djónir Gaard Joensen við FM1 og Portalin.

Sí eisini: Úr H71-leguni: Vit eru ikki favorittar - men vit síggja avgjørt møguleikar og fyrimunir

Í Hoyvík gera tey eisini nógv burtur úr við upphiting frá klokkan 15.30, kapping í steðginum og annað.

Rebud Kpr Ostrovia er avgjørt eitt stig upp, í mun til MRK Trogir, og tað verður ein spennandi avbjóðing hjá greipuvinnarunum.

Í kvøld snýr tað seg um at hava okkurt at spæla um í seinna dystinum, sum byrjar eitt samdøgur seinni - sunnudagin 22. november klokkan 17.

Til ber at fylgja gongdini ovast á Portalinum og síggja dystin á Portal Play fyri 79 krónur. Hetta verður við Sjúrði Hildarson Hoydal sum frásøgumanni.

[object Object]

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder