Agnar Prestá
Tað gjørdist málríkt og dramatiskt, tá Sporting CP tók ímóti Füchse Berlin í 7. umfari í Champions League-bólkaspælinum.
Talan varð sum væntað um skjótt og gott álopsspæl, og tað vóru serliga høgru bakkarnir, sum skinu: Stórtalentið Francisco "Kiki" Costa skoraði 12 ferðir fyri Sporting, og Mathias Gidsel gav sum væntað hinari verjuni nógv høvuðbrýggj. Toppskjúttin í kappingini skoraði 13 ferðir og legði upp til 6 mál.
Sí hæddarpunkt omanfyri ella á Youtube-rásini hjá EHF
Hákun West av Teigum fekk fimm skotroyndir, og skoraði føroyingurin trý mál. Sum heild hevur 23-ára gamli høgri vongurin havt eina flotta Champions League-kapping.
Tað hevur lið hansara eisini: Füchse Berlin hevur 14 stig av 14 møguligum í bólki A. Eftir Aalborg-janvleikin í Kielce í gjár eru nú trý stig niður til 2. plássi. Liðini í topp-tvey koma víðari til fjórðingsfinaluna, og Füchse hevur heili seks stig niður til liðið á 3. plássi.
Vinarliga broyt tínar kennifíla - og privatlívsstillingar fyri at síggja hetta innihald