Sverri Egholm
Tað gjørdist ongantíð veruliga spennandi, í mun til hvør fór at koma víðari, men seinni dysturin í 3. umfari í UEFA Conference League millum HB og ísraelska Maccabi Haifa var í sær sjálvum spennandi.
Føroysku meistararnir løgdu seg á í 20. minutti, tá Daniel Johansen við góðum frísparksinnleggið til aftasta øki, har Michal Przybylski hevði runnið rætt, og miðvallarin, ið skoraði tvær ferðir seinast HB spældi evropeiskan heimadyst, kastaði seg fram og stýrdi bóltinum í málið.
Hetta gjørdist einasta málið í dystinum, hóast bæði liðini høvdu aðrar góðar støður og málmøguleikar. Serliga seinastu minuttirnar trýstu ísraelar fyri at fáa útjavnandi málið, men tað eydnaðist ikki og hóast HB ikki kemur víðari, vinnur havnarliðið Føroyum týdningarmikil stig í Evropa.
HB hevur KÍ á skránni mikudagin, og tí var hetta góð fyrireiking upp á týdningarmikla dystin í landskappingini, sum kann gerast avgerandi fyri FM.
HB - Maccabi Haifa 1-0 (1-0)
20’ Michal Pryzbylski 1-0
Sí eisini: Myndir: HB - Maccabi Haifa
Vinarliga broyt tínar kennifíla - og privatlívsstillingar fyri at síggja hetta innihald