Heimsins mest vinnandi golfspælari doyði jólaaftan

Golfítróttin misti ein av sínum størstu hetjum um jólini.

Kathy Whitworth, sum í 1975 varð innlimað í World Golf Hall of Fame, doyði knappliga jólaaftan upplýsir unnusta hennara umvegis golfsambandil LPGA Tour.

Amerikanska golfhetjan gjørdist 83 ára gomul.

Frá 1958 og til byrjanina av 1980’unum vann hon 88 ferðir á amerikanska PLGA Tour’inum. Tað ger hana til mest vinnandi golfspælara í søguni.

Hon vann eisini einaferð á evropeiska Tour’inum og níggju aðrar kappingar.

Umframt sigrarnar, gjørdist hon í drúgva golf-lívi sínum eisini 93 ferðir nummar tvey í stórum kappingum.

Mest vinnandi mannligu spælarar eru Tiger Woods og Sam Snead, ið eru skrásettir fyri 82 sigrar.