Hondbóltur

Her er bólkurin til HM-undankappingina

Føroyar skal verða betri enn Litava, Slovakia og Luksemborg fyri at koma til næsta stig í HM-undankappini.

Kjartan Johansen og hinir skulu spæla ímóti trimum liðum í HM-undankappingini - Mynd: Sverri Egholm

Kjartan Johansen og hinir skulu spæla ímóti trimum liðum í HM-undankappingini - Mynd: Sverri Egholm

2019-07-23 15:26 Author image
Agnar Prestá

Lutakast til fyrsta stig í evropeisku undankappignini til HM í Egyptaland í 2021 hevur júst verið í Wien.

Føroyar vóru í mittasta styrkisbólki og endaðu í bólk 1. Talan var um eitt hampiligt lutakast á pappírinum. Mótsstøðuliðini eru ikki fastur partur av endaspølum, men Slovakia hevur tó verið nakrar ferðir í hesari øldini, og má metast sum eitt sterkt lið úr mittasta styrkibólkinum. Tað eru tó sjey ár síðani seinast, at Slovakia var við til eitt endaspæl. 

Bert liðið ið vinnur bólkin kemur víðari, og síðani skal spælast ímóti størri hondbóltstjóðum.

Bólkur 1: 
Litava
Slovakia
Føroyar
Luksemborg

Bólkur 2:
Ísrael
Grikkaland
Finnland
Kýpros

Bólkur 3: 
Italia
Rumenia
Kosovo
Georgia

Bólkur 4: 
Turkaland
Belgia
Estland

Dystirnir verða í útgangsstøðinum leiktir soleiðis, at ein heima- og útidystur er ímóti hvørjum, har fyrsta umfar við tveimum dystum er seinast í oktober í ár, og hini bæði eru tíðliga í januar í 2020. Men sambært Hondbóltssambandinum verður nú eftir lutakastið arbeitt við, at fáa samlað dystirnar soleiðis at allir verða leiktir á einum staði yvir nakrar dagar. Í tí førinum spæla liðini eina ferð ímóti hvørjum øðrum. 

placeholder
placeholder