Myndir: Her er nýggja landsliðsblusan

Tá kvinnu- og manslandsliðið fara til endaspæl í ávikavist november og í januar verður tað í nýggjum búna.

Nýggju landsliðsblusurnar vórðu avdúkaðar á tiltaki við Tjarnir í Hoyvíkshaganum fyrrapartin.

Íblásturin kemur frá landsliðsblusuni í 1986 og tískil vóru eisini fleiri landsliðsleikarar frá manslandsliðnum í 1986 og kvinnulandsliðnum í 1980 til staðar. Gamli búnin varð funnin fram og myndir og blaðsíður vórðu hongdar upp á veggin.

Eisini varð greitt frá nýggja samstarvinum við Navia, sum saman við HSF hevur framleitt og sniðgivið eina hondbóltstroyggju.