Hildu spaniólum tríggjar fjórðingar av dystinum

Føroyska U21-landsliðið hevur sæð gott út, síðani Sámal Erik Hentze tók yvir, og í kvøld stóðu føroyingarnar seg væl í Spania.

Heimaliðið hevði sjálvandi leikliga yvirvág, men hóast nógv skot vóru, so vóru ikki so nógv uppá mál, og tað var 0-0 í yvir ein tíma.

Miðskeiðis í øðrum hálvleiki skoraði Adria Pedrosa úr Espanyol til 1-0, og Spania fekk lukkað dystin í 87. minutti.

Føroyar spæla aftur týsdagin i Kasakstan. Talan er um seinasta dystin í undankappingini.