HM-dystur fyribils útsettur orsakað av torusláttri

HM-dysturin millum Frakland og Irak er enn ikki settur í gongd aftur eftir at hálvleikur hevur verið.

Torusláttur hevur verið nærhendis og dysturin er fyribils útsettur. Eisini hevur tað regnað av grimd yvir leikvøllin í Philadelphia.

Mælt verður til, at áskoðararnir halda seg burtur frá áskoðaraplássunum.

FIFA ger greitt, at tað skulu ganga 30 minuttir frá seinasta torusláttri til, at dysturin kann setast í gongd aftur.

Klokkan er farin av 18 lokala tíð, so enn ber til at fáa dystin avgreiddan í kvøld.

Frakland var á odda 1-0 í steðginum.