HM-fjórðingsfinala á stórskíggja í Vágsbotni

Í annaðkvøld hitta føroysku U21-menninir Slovenia í HM-fjórðingsfinaluni, og tá verður høvið at fylgja við beinleiðis á stórskíggja í Vágsbotni.

Tað boðar Tórshavnar kommuna frá í dag.

Dysturin varð fyrst settur at byrja klokkan 17.30, men hann er síðani fluttur til klokkan 20.

Vinnarin av dystinum millum Føroyar og Slovenia spælir fríggjadagin hálvfinalu móti vinnaranum av dystinum millum Portugal og Egyptaland. Kappingin endar við finalu sunnudagin.