Hondbóltsspælarin hjá HB heldur fram

Fyri aðru ferð í ár hevur Hilmar Leon Jakobsen gjørt sáttmála við HB. Seinast var hann galdandi restina av kappingarárinum, men nú er sáttmálin galdandi til 2022.

Hesum boðar HB frá í kvøld.

Hilmar Leon Jakobsen er mest kendur frá hondbóltinum, og hevur í fleii ár spælt við besta hondbóltslandsliðnum. Men hann hevur víst seg at vita hvar málið er, og satsar nú uppá fótbóltin.

Hilmar Leon í Luksemburg í januar fyri hondbóltsslandsliðið (Mynd: Sverri Egholm)

- Hann hevur víst máltev, og tað ætlar hann sær at halda fram við komandi árini, skrivar HB.

Hilmar Leon Jakobsen hevur leikt 7 dystir fyri HB Betri deildini í ár og skorað 4 mál.