Agnar Prestá
Tað hevur verið eitt heldur tungt ár hjá føroyska A-landsliðnum, sum hevur tvey mál og eitt stig í sjey EM-undankappingardystum.
Seinni í mánaðinum er møguleiki at enda væl. Fyrst tekur Noreg ímóti í venjingardysti í Oslo, har heimsstjørnur Erling Braut Haaland og Martin Ødegaard møguliga fara at spæla móti Føroyum.
20. november endar árið við síðsta EM-undankappingardystinum. Albanar fara helst at fegnast um EM-pláss tá.
Landdsliðsúttøkan verður mánadagin 5. november klokkan 10 í FSF-húsinum. Har fer Håkan Ericson at kunngerða síðsta hópin í 2023.
Teir allarflestu, ið vóru við seinast, eru tøkir nú. Gilli Rólantsson Sørensen var ikki tøkur seinast, og tað var Teitur Matras Gestsson heldur ikki. Báðir hava tó verið á vøllinum eftir skaða aftur, og tað er ógvuliga óvæntað, um 31-ára gomlu spælararnir ikki vera við hesaferð. Heini Vatnsdal hevur eisini verið á vøllinum aftur, men spurningurin er júst hvussu góð støðan verður viðvíkjandi fóti hansara um tvær vikur.
So er ein annar spurningur, um pláss er fyri landsliðsliðskiparanum Halli Hansson - um mett verður at hansara støða er nóg góð til tað.
Sí eisini:
Hallur Hansson og at spæla á hægri stigi
Hallur: - Skal ikki vera partur av nøkrum "drama"
Spennandi er eisini, um landsliðsvenjarin hálar nakra kanin úr hattinum, og kanska tekur yngri og formsterkar spælarar út, ella møguliga onkran sum ikki hava verið við í eina tíð.
Hetta var hópurin seinast:
Málverjar:
Mattias Heðinsson Lamhauge, B36
Bárður á Reynatrøð, Víkingur
Bjarti Vitalis Mørk, HB
Verjuspælarar:
René Shaki Joensen, KÍ
Jóannes Kalsø Danielsen, KÍ
Viljormur Davidsen, HB
Ári Mohr Jónsson, HB
Odmar Færø, KÍ
Bartal Wardum, HB
Sonni Ragnar Nattestad, B36
Hørður Askham, AB (Danmark)
Andrias Edmundsson, MKS Chojniczanka (Pólland)
Miðvallarar:
Gunnar Vatnhamar, Víkingur Reykjavík (Ísland)
Jákup Biskopstø Andreasen, KÍ
Andrass Johansen, B36
Stefan Radosavljevic, Sligo Rovers FC (Írland)
Jóannes Bjartalíð , Fredrikstad FK (Noreg)
Sølvi Vatnhamar, Víkingur
Hanus Sørensen, HB
Brandur Hendriksson Olsen, Fredrikstad FK (Noreg)
Áleyparar:
Klæmint Andrasson Olsen, Breiðablik (Ísland)
Jóan Símun Edmundsson, KA Akureyri (Ísland)
Petur Knudsen, El Paso (USA)
Pætur Petersen, KA Akureyri (Ísland)
Vinarliga broyt tínar kennifíla - og privatlívsstillingar fyri at síggja hetta innihald