Fótbóltur

ÍBV er íslendskur meistari

Janus Dam Djurhuus, Dánjal Ragnarsson og liðfelagirnir stórfegnast á Vestmannaoyggjunum í kvøld. Heimaliðið vann 25-23 í avgerandi finaluni.

ÍBV vann tríggjar finalur - í avgerandi finaluni á heimavølli í kvøld var føroyingafelagið á odda so at siga allan vegin (Mynd: mbl.fo)

ÍBV vann tríggjar finalur - í avgerandi finaluni á heimavølli í kvøld var føroyingafelagið á odda so at siga allan vegin (Mynd: mbl.fo)

2023-05-31 23:30 Author image
Agnar Prestá
placeholder

Íslendska meistaraheitið hjá monnum varð avgjørt í kvøld á Heimaey. ÍBV vann tvær tær fyrstu finalurnar, men Haukar fekk javnað finalurøðina og harvið varð neyðugt við fimtu finaluni.

ÍBV var favorittur og var eisini á odda so at siga allan dystin. Haukar hekk tó í. Í steðginum var munurin eitt mál, eina løtu í seinna hálvleiki var tað +5 til heimaliðið, men nakað av spenningi kom í móti endanum. 

[object Object]
Heimaáskoðararnir gjørdu sítt (Mynd: mbl.is)

Teir í hvítum og svørtum vóru tó stinnari og vunnu við tveimum málum í finaluni, sum ikki var so málrík. Tað leggja Janus Dam Djurhuus, Dánjal Ragnarsson og hinir hjá ÍBV einki í. Føroyingarnir eru nú íslendskir meistarar eftir ein sterkan innsats í ár. Janus Dam Djurhuus er skrásettur fyri eitt mál í finaluni.

Hetta var annað kappingarárið hjá Dánjali í ÍBV. Janus kom úr H71 síðsta summar. Vongurin verður verandi í Íslandi í nakrar dagar afturat, tí hann skal spæla tveir venjingardystir við U21-landsdystum móti íslendingum um vikuskiftið - hetta um fyrireiking til HM-endaspælið í Týsklandi í summar.

Hetta var triðja meistaraheitið hjá mansliðnum hjá ÍBV. Seinast steypið stóð á Vestmannaoyggjunum var eftir finalurøðina í 2018.

[object Object]
Føroyingarnir við steypinum og við merkinum aftanfyri seg (Mynd: Ingibjørg Olsen)

Fimta finalan um íslendska meistaraheitið hjá monnum
Heimaey, 31.05
ÍBV - Haukar 25-23 (11-10)

ÍBV vann samanlagt finalurøðina 3-2 - Portalurin ynskir Dánjali, Janusi og liðfeløgunum tillukku við meistaraheitinum.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder