Fótbóltur

Inter fingið revsing fyri rasistiskt róp

Viðhaldsfólk róptu apuljóð eftir leikara hjá Napoli.

Kalidou Koulibaly

Kalidou Koulibaly

2018-12-27 20:39 Author image
Ari av Rana

Ósømiligi atburðurin hjá viðhaldsfólkunum hjá Inter undir dystinum móti Napoli í gjár, fær nú avleiðingar fyri felagið.

Gjøgnum allan dystin róptu viðhaldsfólk hjá Inter apuljóð eftir senegalesiska leikaranum hjá Napoli Kalidou Koulibaly. Napoli venjarin royndi tríggjar ferðir at fáa dystin avblástan, men hetta eydnaðist ikki.

Italska fótbóltssambandið hevur nú kannað málið, og hevur avgjørt, at Inter skal spæla næstu tveir dystirnar uttan áskoðarar.