Fótbóltur

Inter leigar Alexis Sanchez

Kantleikarin hevur verið eitt stórt vónbrot í Manchester United, ið nú sendir enn ein leikara til Inter; fleiri eru á veg til Roma.

Tað hava ikki verið nógvar stórar løtur hjá Alexis Sanchez í United-troyggjuni (Mynd: EPA)

Tað hava ikki verið nógvar stórar løtur hjá Alexis Sanchez í United-troyggjuni (Mynd: EPA)

2019-08-30 10:16 Author image
Agnar Prestá
placeholder

Seinastu dagarnar hevur søgan um Alexis Sanchez til Inter verið nógv frammi - í gjárkvøldið vórðu hesi tíðindini váttað.

30-ára gamli leikarin úr Kili skiftir til annað av stóru feløgunum í Milano - talan er um eina leiguavtalu, ið er galdandi fyri kappingarárið 2019/2020. 

Sky Sports skrivar, at United skal gjalda seks milliónir pund av lønini hjá Alexis komandi árið. Leikarin hevur verið tann best lønti leikarin í Premier League, síðani hann kom til Manchester United frá Arsenal. Sambært Sky inniheldur avtalan ikki ein keypsmøguleika fyri ein ásettan prís í tíðarskeiðinum.

Fimm mál í 45 dystum var ikki júst tað, sum Manchester United hevði ynkst, tá Alexis Sanchez kom til Old Trafford og Henrikh Mkhitaryan fór hinvegin í januar í fjør.  

Fyrr í august skifti Romelu Lukaku úr United til Inter. Tað seinasta er, at Chris Smalling er á veg til Roma - talan verður eisini fyrst um eina leiguavtalu har - og ein annar verjuleikari á liðnum hjá Solskjær, Matteo Darmian, er á veg til heimlandið at spæla.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder