Agnar Prestá
Eftir eina væleydnaða byrjan fer Ítróttasamband Føroya komandi skúlaárið aftur at bjóða næmingum til Skúlaleikir. Tiltakið Skúlaleikir er eitt nýtt átak, hvørs endamál er at skapa felagsskap og rørslugleði í føroyska fólkaskúlunum.
Soleiðis skrivar ÍSF í tíðindaskrivi í dag um átakið, ið var fyrstu ferð á skrá í fjør, har umleið 1200 børn í 4. og 5. flokki luttóki.
Í ár bjóðar ÍSF allari miðdeildini; tað vil siga frá 4. flokki til 6. flokk, til sama átak. Tvær nýggjar ítróttagreinar verða nú lagdar afturat skránni frá í fjør. Tær eru kurvabóltur og rørslumegi, og sostatt bjóðar Skúlaleikir seks ítróttagreinar til skúlaárið 2022/23:
Frælsur ítróttur, Flogbóltur, Badminton, Innirógving, Kurvabóltur og Rørslumegi.
Skúlar kunnu melda til á skulaleikir.fo, og evstamark er 1. september.
Skúlaleikir eru skipaðir í samstarvi við ítróttasambondini, UMMR, Kommunufelagið, Fólkaheilsuráðið og Fróðskaparsetur Føroya.
Vinarliga broyt tínar kennifíla - og privatlívsstillingar fyri at síggja hetta innihald