ÍSF fingið góðkenning sum dopingeftirlit

Í farnu viku fekk Ítróttasamband Føroya góðkenning sum dopingeftirlit í Føroyum. Felagsskapurin skal hava eftirlit við og arbeiða fyri, at doping ikki fer fram í skipaðum føroyskum ítrótti, skrivar Uttanríkis- og mentamálaráðið.

Uppgávurnar hjá felagsskapinum eru m.a. ásettar í lóggávu um doping og óreiðiliga ávirkan í ítrótti og fevna um:

• at taka dopingroyndir av ítróttafólki í Føroyum
• at melda og leggja fram mál um doping
• at kunna um doping
• at luttaka í altjóða arbeiði til tess at fyribyrgja doping
• at ráðgeva og kunna almennar myndugleikar um viðurskifti, ið eru viðkomandi fyri arbeiðið at fyribyrgja doping.