Hondbóltur

Ísland er úti av HM

Brasilia loypti hvøkk á við sigri á Kroatia - Frakland er so gott sum víðari.

Ísland tapti greitt fyri Fraklandi í kvøld
(Mynd: EPA)

Ísland tapti greitt fyri Fraklandi í kvøld (Mynd: EPA)

2019-01-20 22:11 Author image
Agnar Prestá
placeholder

Fýra dystir í millumumfarinum í HM-endaspælinum eru leiktir í dag. 

Í bólki I í Týskland vann Braslia yvirraskandi á Kroatia, ið annars vann allar dystirnar í grundspælinum. Brasliumenn skoraðu nógv mál í 1. hálvleiki, og sigurin hevur við sær, at liðið kann koma víðari, um tað aftur gerst til ein sigur í morgin, og um Kroatia vinnur á Týskland. 

Eins og ímóti Týsklandi hevði Ísland trupulleikar við at skora mál, og franska liðið var bara ov sterkt. Liðið hjá Didier Dinard kom á odda 6-0, og og íslendingar megnaðu ikki heilt at gera dystin spennandi. Ísland hevur nú bara æruna at spæla fyri týsdagin, meðan Frakland er víðari, um tað verður ein vinnari í Kroatia - Týsklandi í morgin.

Í bólkinum ið verður leiktur í Herning, greiddi Norra sína skyldu og vann á Egyptalandi. Harvið er lagt upp til skandinaviskt brak í morgin, tá Norra og Svøríki hittast. Norðmenn skulu hava stig fyri at gera sær vónir um at koma til hálvfinaluna. Sander Sagosen var í hopla í kvøld og skoraði 10 mál, og tað gjørdi Magnus Abelvik Rød eisini. 

Bólkur I:
Brasilia - Kroatia 29-26 (17-13)
Ísland - Frakland 22-31 (11-15)

Frakland 7 *
Týskland 5
Kroatia 4 
Spania 2
Brasilia 2
Ísland 0 *

*Ein dyst fleiri

Í morgin: 
Spania - Brasilia
               Kroatia - Týskland



Bólkur II: 
Ungarn - Tunesia 26-21 (16-14) 
Norra - Egyptaland 32-28 (16-14)

Danmark 6
Svøríki 6
Norra 4 
Ungarn 3 *
Egyptaland 1 
Tunesia 0 *

*Ein dyst fleiri

Í morgin:
Svøríki - Norra
              Egyptaland - Danmark


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder