Jana Mittún besti spælskiparin í Evropa fyrstu umførini

Jana Mittún vísti vegin móti Íslandi í einum samanlagt sterkum føroyskum dysti, og í fyrra hálvleiki gav kvika hoyvíkskvinnan sterku verjuni hjá Montrnegro nógv høvuðbrýggj.

Hesi avrikini, við samanlagt 13 málum, fleiri uppleggum og annað, hava fingið føroyska spælskiparan á vikuliðið hjá EHF.

Hetta er galdandi fyri 1. og 2. umfar í EM-undankappingini.

Jana Mittún er á har saman við millum annað Mette Tranborg hjá Danmark, Tabeu Schmid - sum vit kenna frá Sveis og sum gamla strikumakkaran hjá Pernille Brandenborg - og tveimum hjá Montenegro. Brnovic er verjuskansi og sterkur strikuspælari, umframt vinstra bakkinum Jaukovic.

Júst móti Montenegro sníktu heldur nógv mistøk seg inn hjá Janu Mittún, men sum heild vóru avrikini hjá henni ógvuliga góð.

Sí eisini: Jana Mittún varð toppskjútti í sterkum liðavrik í Reykjavík